Page Nav

HIDE

Grid

GRID_STYLE

Hover Effects

TRUE
{fbt_classic_header}

Header Ad

Breaking News:

latest

"වෙනසක් කරන්න අවශ්‍ය තැන්වල දී කරනවා. මම හැමදාමත් දෙසැම්බර් මාසයේ යනවා. දිවයිනට ආ බැසිල් ජනපතිවරණය ගැන කියූ දෙය

ශ්‍රී ලංකා පොදුජන පෙරමුණේ, නිර්මාතෘ බැසිල් රාජපක්ෂ මහතා අද (05) පෙරවරුවේ 8.16ට පමණ දිවයිනට පැමිණ තිබෙනවා. ඔහු එමිරේට්ස් ගුවන්සේවයට අයත් ඊ.කේ...


ශ්‍රී ලංකා පොදුජන පෙරමුණේ, නිර්මාතෘ බැසිල් රාජපක්ෂ මහතා අද (05) පෙරවරුවේ 8.16ට පමණ දිවයිනට පැමිණ තිබෙනවා.

ඔහු එමිරේට්ස් ගුවන්සේවයට අයත් ඊ.කේ 650 දරණ ගුවන් යානයෙන් පැමිණි බව සඳහන්.

අමාත්‍ය ප්‍රසන්න රණතුංග, රෝහිත අබේගුණවර්ධන හා රාජ්‍ය අමාත්‍ය ඩී.වී චානක යන මහත්වරුන් ගුවන්යානයට ම ගොස් බැසිල් රාජපක්ෂ පිළිගත් බවයි, තොරතුරු වාර්තා වන්නේ.

අනතුරුව රාජ්‍ය ඇමති ඩී.වී චානක හා මන්ත්‍රී රෝහිත අබේගුණවර්ධන යන මහත්වරුන් පමණක් ගුවන්තොටුපළ විශේෂ අමුත්තන්ගේ කාමරයට ගොස් තිබෙනවා.

ඒ අතරවාරයේ දී බැසිල් රාජපක්ෂ හා ප්‍රසන්න රණතුංග දෙපළ කෙටි වේලාවක් සුහද සාකච්ඡාවක නිරත වූ බව සඳහන්.

එහි දී සාකච්ඡා වූ කරුණු සම්බන්ධයෙන් කිසිදු තොරතුරක් වාර්තා වන්නේ නැහැ.

නාමල් රාජපක්ෂ, සංජීව එදිරිමාන්න, කෝකිලා හර්ෂණි ගුණවර්ධන, මහාචාර්ය රංජිත් බණ්ඩාර, සහන් ප්‍රදීප් විතාන, ජයන්ත කැටගොඩ, ඉන්දික අනුරුද්ධ, අරුන්දික ප්‍රනාන්දු, තිස්සකුට්ටිආරච්චි ඇතුළු මන්ත්‍රීවරුන් 25ට ආසන් පිරිසක් බැසිල් පිළිගැනීමට පැමිණ සිටියා.

ගුවන්තොටුපළෙන් පිටතට පැමිණීමෙන් අනතුරුව බැසිල් රාජපක්ෂ මහතා මෙලෙස මාධ්‍ය වෙත අදහස් පළ කළා

"වෙනසක් කරන්න අවශ්‍ය තැන්වල දී කරනවා. මම හැමදාමත් දෙසැම්බර් මාසයේ යනවා. අවුරුද්දේ දවස් කිහිපයයි දරුවෝ එක්ක ඉන්නේ. ඒ දවස් ටික ගත කරලා ආවා. ඉදිරියේ දී ශක්තිමත්ව වැඩ කරනවා. මොන මැතිවරණය තිබ්බත් මම සංවිධාන කරනවා. කවුරු ජනාධිපති වුණත් පොහොට්ටුවේ සහයෝගයෙන් තමා එන්නේ. පොහොට්ටුව ශක්තිමත්. ඒ නිසා තමා තියපු ඡන්ද තුනම දින්නේ. අපි කිසිම දවසක ජනතාව රවට්ටලා නැහැ. සමහර තැන්වල දී වරදිනවා. ජනතාව කියපු දෙය අපි පිළිගත්තේ නැහැ. අපි කියපු දේවල් ජනතාව පිළිගත්තේ නැහැ."

No comments

Ads Place