රජයේ බදු ප්‍රතිපත්තියට එරෙහිව ඉදිරියේදී දැවැන්ත විරෝධතා පැවැත්වීමට පියවර ගන්නා බව රජයේ වෛද්‍ය නිලධාරීන්ගේ සංගමය පවසයි. එහි ලේකම් වෛද්‍ය හර...
රජයේ බදු ප්‍රතිපත්තියට එරෙහිව ඉදිරියේදී දැවැන්ත විරෝධතා පැවැත්වීමට පියවර ගන්නා බව රජයේ වෛද්‍ය නිලධාරීන්ගේ සංගමය පවසයි.
එහි ලේකම් වෛද්‍ය හරිත අලුත්ගේ මහතා පැවසුවේ, සැප්තැම්බර් 14 වනදා ජාත්‍යන්තර මුල්‍ය අරමුදලේ නියෝජිතයින් පැමිණෙන විට විරෝධතා තීව්‍ර කරන බවය.
“අපේ තියෙන වෘත්තීය සමිති ගණනාවක නායකත්ව මට්ටමේ ඉන්න සමාජිකයින් ගණනාවක් ජනාධිපති ලේකම් කාර්යාලයට ගිහින් සාකච්ඡාවකට අවස්ථාව ඉල්ලුවා නමුත් අපි තේරුම් ගන්න ඕනේ පණිවුඩය තමා තාමත් රජය විශ්වාස කරනවා නම් වෘත්තීකයින් විදියට මේ ඉවසීම වැරදි විදියට පාවිච්චි කරලා අපේ ප්‍රශ්නය විසඳන්නේ නැතුව කාපට් අස්සට දාලා මේ ප්‍රශ්නය වහලා දාන්න ඒකට මේ රටේ වෘත්තීයවේදීන් ඉඩදෙන්නේ නෑ. ඒ අපේ ඉවසීම වැරදි විදියට පාවිච්චි කරන්න පාලකයින් උත්සාහ කළොත් එයට අවශ්‍ය නිසි උත්තර මේ වෙලාවේ දෙන්න අපි තීරණය කරලා තියෙනවා. සැප්තැම්බර් 14 වනදා IMF කණ්ඩායම එද්දි අපේ මේ විරෝධතා ක්‍රියාවලිය උපරිම තැනකට ගෙනියන්න.”
විශ්වවිද්‍යාල ආචාර්ය සමිති සම්මේලනයේ උප සභාපති ජ්‍යෙෂ්ඨ කථිකාචාර්ය චාරුදත්ත ඉලංගසිංහ මහතා පැවසුවේ ගැටලු පිළිබඳ සාකච්ඡා කිරීම සඳහා ජනාධිපතිවරයාගෙන් ඉල්ලූ සාකච්ඡාව මෙතෙක් ලබා දී නොමැති බවය.
“ආණ්ඩුව මෙතෙක් සමත්වෙලා නෑ මේ සඳහා ගන්න පිළිතුරු මොනවා ද කියලා ප්‍රකාශයට පත්කරන්න. විශේෂයෙන් බදු ප්‍රතිපත්තිය සංශෝධනය කරන්නේ කොහොමද කියන්න ආණ්ඩුවට තාම හැකියාවක් ලැබිලා නෑ. අපි ලෑස්තියි වෘත්තීයවේදීන්ගේ වෘත්තිය සමිති එකමුතුව විදියට ආණ්ඩුවට දැනෙන විදියට මේ ප්‍රශ්නය කියන්න එන්න.”
No comments