ඊයේ රාත‍්‍රියේ නුගේගොඩ ප‍්‍රදේශයේ ඇතිවූ කලහකාරී සිදුවීම ගැන ජනාධිපති මාධ්‍ය අංශය විසින් නිකුත් කර ඇති නිවේදනය මෙසේය. —– කළහකාරී හැසිරීම පිට...
ඊයේ රාත‍්‍රියේ නුගේගොඩ ප‍්‍රදේශයේ ඇතිවූ කලහකාරී සිදුවීම ගැන ජනාධිපති මාධ්‍ය අංශය විසින් නිකුත් කර ඇති නිවේදනය මෙසේය.
—–
කළහකාරී හැසිරීම පිටිපස අන්තවාදී කණ්ඩායමක්…
නුගේගොඩ, ජුබිලි කණුව අසළ උද්ඝෝෂණයක නිරත පිරිස අතර සිටි සංවිධානාත්මක අන්තවාදීන් පිරිසක් කළහකාරී ලෙස හැසිරෙමින් ප්‍රචණ්ඩකාරී තත්ත්වයක් ඇති කළ බව අනාවරණ වෙයි.
යකඩ මුගුරු, කැති, පොලු රැගත් මෙම කණ්ඩායම උද්ඝෝෂණයේ නිරත පිරිස උසිගන්වා මිරිහාන පැඟිරිවත්ත පිහිටි ජනාධිපතිතුමාගේ නිවස දෙසට ගමන් කර කළහකාරී තත්ත්වය ඇති කර තිබේ.
මෙලෙස ප්‍රචණ්ඩකාරී ලෙස හැසිරුණු පිරිසෙන් බොහෝ දෙනෙක් අත්අඩංගුවට ගෙන ඇති අතර ඉන් බහුතරයක් සංවිධානාත්මක අන්තවාදීන් බව තහවුරු වී ඇත.
ඔවුන් අරාබි වසන්තයක් මෙරට ඇති කරමු යන හඬ නගමින් උද්ඝෝෂණය මෙහෙයවා තිබේ.
ඉතා සැලසුම්කාරී ලෙස නිර්නාමිකව සමාජ මාධ්‍ය භාවිතා කරමින් ජනතාව කෝපගන්වා රට අරාජික කිරීමේ අරමුණින් මෙම කළහකාරී තත්ත්වය සිදු කර ඇති බව අත්අඩංගුවේ පසුවන පිරිසෙන් අනාවරණය වී තිබේ.
ජනාධිපති මාධ්‍ය අංශය
No comments