කොවිඩ් ආසාදිතයින් ආශ්රිතව මේ දක්වා සිදුකළ ජානමය අනුක්රමණ පරීක්ෂණ මගින් හඳුනා ගනු ලැබූ කොවිඩ් ඩෙල්ටා ප්රභේදය ආසාදනය වූ පුද්ගලයින් සංඛ්යාව...
කොවිඩ් ආසාදිතයින් ආශ්රිතව මේ දක්වා සිදුකළ ජානමය අනුක්රමණ පරීක්ෂණ මගින් හඳුනා ගනු ලැබූ කොවිඩ් ඩෙල්ටා ප්රභේදය ආසාදනය වූ පුද්ගලයින් සංඛ්යාව 117 දෙනෙකු බව nextstrain.org වෙබ් අඩවිය සඳහන් කර සිටිනවා.
කොවිඩ් ආසාදිතයින් 94 දෙනෙකු ගේ ජෛව සාම්පල් පරීක්ෂණ අනුව සිදුකර ඇති ජානමය අනුක්රමණ පරීක්ෂණ අතුරින් හඳුනා ගෙන ඇති ඩෙල්ටා ප්රභේදය ආසාදිතයින් සංඛ්යාව 56ක් බවත් ඉන් බහුතරයක් බස්නාහිර පළාත තුලින් වාර්තා වී ඇත.
ඒ, කොළඹ, අංගොඩ, කඩුවෙල, නුගේගොඩ, ගල්කිස්ස, බොරලැස්ගමුව, මහරගම, පිලියන්දල, කහතුඩුව, කැස්බෑව, බණ්ඩාරගම, පානදුර, කළුතර, බියගම, කඩවත සහ රාගම යන ප්රදේශ වලින් මෙලෙස ඩෙල්ටා ප්රභේදය ආසාදිත වූ පුද්ගලයින් හමුවී තිබෙන බවයි nextstrain.org වෙබ් අඩවිය විසින් දක්වා ඇත්තේ.
මීට අමතරව ගාල්ල, මාතර, රත්නපුර, කුරුණෑගල, අම්පාර, වව්නියාව සහ යාපනය යන දිස්ත්රික්ක වලින් ද ඩෙල්ටා ප්රභේදය ආසාදනය වූ පුද්ගලයින් හඳුනා ගෙන ඇති බවයි nextstrain.org වෙබ් අඩවිය සඳහන් කර සිටින්නේ.
ශ්රී ජයවර්ධනපුර විශ්ව විද්යාලයේ ආසාත්මිකතා හා ප්රතිශක්ති විද්යා සහ සෛව විද්යාතනයේ ආචාර්ය චන්දිම ජීවන්දර ඇතුළු කණ්ඩායම විසින් මෙම ජානමය අනුක්රමණ පරීක්ෂණයන් සිදුකර තිබෙන බවයි nextstrain.org වෙබ් අඩවිය වැඩිදුරටත් සඳහන් කරන්නේ.
nethnews
No comments