ගම්පහ දාරළුව ප්රදේශයේ පිහිටි කෲඩියා සෙලනිකා (පඬු කරඳ) ශාකය එම ස්ථානයේම තබා රැක ගැනීම වෙනුවෙන් අධිවේගී මාර්ගයේ සැලසුම් වෙනස් කිරීමට රුපිය...
ගම්පහ දාරළුව ප්රදේශයේ පිහිටි කෲඩියා සෙලනිකා (පඬු කරඳ) ශාකය එම ස්ථානයේම තබා රැක ගැනීම වෙනුවෙන් අධිවේගී මාර්ගයේ සැලසුම් වෙනස් කිරීමට රුපියල් බිලියන හතරක් අමතරව වැය කිරීම ජාතික අපරාධයක් බව රාමඤ්ඤ නිකායේ දක්ෂිණ ලංකාවේ ප්රධාන සංඝනායක ආචාර්ය පූජ්ය ඕමල්පේ සෝභිත හිමියෝ ඊයේ (09) දිවයින පුවත්පතට පවසා තිබේ.
අධිවේගී මාර්ගයේ පරමාර්ථයත් පාරිසරික පරමාර්ථයත් රැක ගෙන අමතරව වැය වන දැවැන්ත ධනස්කන්ධය ඉතිරි කළ හැකි බවත් කී සෝභිත හිමියෝ තමන් එසේ කියන්නේ අත්දැකීමෙන් බවත් කීය.
පසුගියදා ටොන් පනහක් බර වට අඩි 28 ක ප්රමාණයේ දැවැන්ත බෝ ගසක් ගලවා මාරවිල සිට බිංගිරිය රස්නායකපුරට කිලෝමීටර් 60 ක් දුර ගෙවා රැගෙන ගොස් රෝපණය කර සාර්ථක ප්රතිඵල අත් කරගත් බවත් කී උන්වහන්සේ ඒ ක්රමවේදයම මත මෙම කෲඩියා සෙලනිකා ශාකයත් අසල ඉඩමේ නැවත රෝපණය කළ හැකි බවත් පැවසූහ.
මෙම දුර්ලභ ශාකය වෙනුවෙන් පරිසරවේදීන් පෙනී සිටිමින් ශාකය සිවුරු පොරවා සඟ සතු කිරීම ඇතුළු එය රැක ගැනීමට ගත් සියලූ ප්රයන්තය අගය කළ යුතු බව පැවසූ ඕමල්පේ හිමියෝ එය වෙනත් තැනක රෝපණය කිරීමට අවශ්ය තාක්ෂණය තිබියදීත් ජාතික ධනය රුපියල් බිලියන හතරක් වැය කිරීම අපරාධයක් බවත් සඳහන් කළේය.
තමන් වහන්සේ එක්සත් ජාතීන්ගේ පාරිසරික උපදේශකවරයකු මෙන්ම මෙරට කි්රයාත්මක වන සත්ත්ව සොබාදහම සඳහා යුක්තිය සංවිධානයේ සභාපතිවරයා ද වන බවත් තමන් වහන්සේ සතු අත්දැකීම් අදාළ ශාකය ඉවත් කිරීම සඳහා භාවිතා කළ හැකි බවත් සෝභිත හිමියෝ වැඩිදුරටත් කියා සිටියහ.
No comments