Page Nav

HIDE

Grid

GRID_STYLE

Hover Effects

TRUE
{fbt_classic_header}

Header Ad

Breaking News:

latest

Ads Place

මද‍්‍රසා පාසැල් වසා දැමීමක් නෑ.. අධීක්‍ෂණය කරනවා.

  වත්මන් ජනාධිපති ගෝඨාභය රාජපක්ෂ මැතිතුමා ආරක්ෂක ලේකම් වශයෙන් කටයුතු කළ සම සිට මද‍්‍රසා පාසල් සඳහා සිසුන් ගුරුවරුන් ඇතුලත් කර ගැනීම සහ එහි ක...

 


වත්මන් ජනාධිපති ගෝඨාභය රාජපක්ෂ මැතිතුමා ආරක්ෂක ලේකම් වශයෙන් කටයුතු කළ සම සිට මද‍්‍රසා පාසල් සඳහා සිසුන් ගුරුවරුන් ඇතුලත් කර ගැනීම සහ එහි ක්‍රියාකාරිත්වය සම්බන්ධ විධිමත් යාන්ත්‍රණයක් ක්‍රියාවට නැංවී තිබුණු බවත් යහපාලන රජය බලයට පැමිණි පසු එම යාන්ත්‍රණය සම්පූර්ණයෙන්ම අඩාල කර දැමූ බවත් අධ්‍යාපන අමාත්‍ය මහාචාර්ය ජී එල් පීරිස් මහතා සඳහන් කළේය.

අමාත්‍යවරයා මෙම මේ බව සඳහන් කළේ පාර්ලිමේන්තු මන්ත්‍රී කාවින්ද ජයවර්ධන මහතා විසින් පාර්ලිමේන්තුවේදී යොමුකළ පැනයකට පිළිතුරු ලබාදෙමිනි.

මද‍්‍රසා පාසල් වල ඉගැන්වීමට වීසා ඉල්ලමින් විදේශයන්හි සිට ශ්‍රී ලංකාවට පැමිණ අයවලුන් පිළිබඳ දැඩි ව අධීක්ෂණය කළ යුතු බවත් පුද්ගලයන්ගේ පසුබිම අතීත හැසිරීම සොයා නොබලා පාසල්වල ඉගැන්වීම්මට එවැන්නන් යෙදවීම වගකීම් විරහිත ක්‍රියාවක් බවත් ආගමන විගමන දෙපාර්තමේන්තුව සහ බුද්ධි අංශ සමීප සම්බන්ධීකරණයක් පවත්වා ගනිමින් අදාල පුද්ගලයන්ගේ තොරතුරු සහ පසුබිම සොයා බැලීමට ක්‍රියා කළ යුතු බවත් ඔහු සඳහන් කළේය.

මද‍්‍රසා පාසල්වල ඉගැන්වීමට අවසර ලබා දෙන පුද්ගලයන් සම්බන්ධව මෙන්ම උගන්වනු ලබන පාඨමාලා පිළිබඳව සිසුන් බඳවා ගන්නා ආකාරය ඇතුළු සියලු කරුණු අධ්‍යාපන අමාත්‍යාංශය විසින් අධීක්ෂණය කරන බව අධ්‍යාපන අමාත්‍යවරයා පෙන්වා දුන්නේය.

මද‍්‍රසා පාසල් අධීක්ෂණය කිරීම සඳහා අධ්‍යාපන අමාත්‍යවරයා වෙත යුතුකමක් පැවරී ඇති බවත් එම යුතුකම ඉටු කිරීම වෙනුවෙන් තමා පෙනී සිටින බවත් අධ්‍යාපන අමාත්‍ය මහාචාර්ය ජී එල් පීරිස් මහතා වැඩිදුරටත් සඳහන් කළේය.

මාධ්‍ය ඒකකය
අධ්‍යාපන අමාත්‍යාංශය

No comments

Ads Place